ಸುಳ್ಯ (ಅ.೧೭): ಇಲ್ಲಿನ ಜ್ಯೋತಿ ಆಸ್ಪತ್ರೆ ಬಳಿ ಅಪಘಾತ ಸಂಭವಿಸಿದೆ. ಸುಳ್ಯ ದಿಂದ ಗುತ್ತಿಗಾರು ಕಡೆ ಹೊರಟಿದ್ದ ಖಾಸಗಿ ವ್ಯಾನ್ ಒಂದು ಜ್ಯೋತಿ ಆಸ್ಪತ್ರೆಯ ಬಳಿ ತಲುಪುತಿದ್ದಂತೆಯೇ, ಹೆದ್ದಾರಿ ಬದಿಯಲ್ಲಿ ಮಾರುತಿ ೮೦೦ ಕಾರನ್ನು ಪಾರ್ಕ್ ಮಾಡಿ ಕಾರು ಚಾಲಕ ತನ್ನ ಕಾರಿನ ಬಾಗಿಲು (ಡೋರ್) ಇದ್ದಕಿದ್ದಂತೆಯೇ ತೆರೆದಿದ್ದಾನೆ. ಈ ವೇಳೆ ಕಾರಿನ ಡೋರಿಗೆ ವ್ಯಾನ್ ಡಿಕ್ಕಿಯಾಗಿದೆ. ಅದೃಷ್ಟವಶಾತ್ ಯಾವುದೇ ದೊಡ್ಡ ಮಟ್ಟದ ಅನಾಹುತ ಸಂಭವಿಸಿಲ್ಲ ಎಂದು ತಿಳಿದುಬಂದಿದೆ.