ಗೋಮಾಂಸ ಅಂಗಡಿಯಲ್ಲಿ ಹನಿ ರೋಸ್: ನಟಿಯ ವಿರುದ್ದ ಆಕ್ರೋಶ – ಕರುನಾಡ ನ್ಯೂಸ್

ಖ್ಯಾತ ನಟಿ ಹನಿ ರೋಸ್ (Honey Rose) ವಿರುದ್ಧ ಗೋರಕ್ಷಕರು ತಿರುಗಿ ಬಿದ್ದಿದ್ದಾರೆ. ಹನಿ ರೋಸ್ ಇದೀಗ ಮಹಿಳಾ ಪ್ರಧಾನ ಸಿನಿಮಾವೊಂದರಲ್ಲಿ ನಟಿಸಿದ್ದು, ಆ ಸಿನಿಮಾದ ಪೋಸ್ಟರ್ (Poster) ರಿಲೀಸ್ ಮಾಡಲಾಗಿದೆ. ಆ ಪೋಸ್ಟರ್ ನಲ್ಲಿ ಹನಿ ಗೋಮಾಂಸ (Beef) ಮಾರುವ ಅಂಗಡಿಯಲ್ಲಿ ಕೂತಿದ್ದಾರೆ. ಕೈಯಲ್ಲಿ ರಕ್ತಸಿಕ್ತ ಕತ್ತಿಯಿದೆ. ರಚೆಲ್ (Rachel)  ಹೆಸರಿನ ಪ್ಯಾನ್ ಇಂಡಿಯಾ ಸಿನಿಮಾದಲ್ಲಿ ಹನಿ ರೋಸ್ ನಟಿಸಿದ್ದಾರೆ. ಇದೊಂದು ಮಹಿಳಾ ಪ್ರಧಾನ ಸಿನಿಮಾವಾಗಿದ್ದು, ಈ ಚಿತ್ರದಲ್ಲಿ ಆಕೆಯದ್ದು ಗೋಮಾಂಸ ಮಾರುವ ಯುವತಿ ಪಾತ್ರ ಎಂದು ಹೇಳಲಾಗುತ್ತಿದೆ. ಹಾಗಾಗಿಯೇ ಗೋಮಾಂಸವನ್ನು ಸೂಚಿಸುವಂತಹ ಅನೇಕ ಸಂಗತಿಗಳನ್ನು ಪೋಸ್ಟರ್ ನಲ್ಲೂ ಅಳವಡಿಸಲಾಗಿದೆ ರಿಲೀಸ್ ಆಗಿರುವ ಪೋಸ್ಟರ್ ನಲ್ಲಿ ಹನಿ ರೋಸ್ ಕೈಯಲ್ಲಿ ರಕ್ತಸಿಕ್ತ ಕತ್ತಿ, ಮುಂದ ಗೋಮಾಂಸ, ಹಿಂದೆ ಚರ್ಮ ಸುಲಿದ ಗೋವು, ಮತ್ತೊಂದು ಕಡೆ ಗೋವಿನ ತಲೆ ಹೀಗೆ ಡಿಸೈನ್ ಮಾಡಲಾಗಿದೆ. ಈ ಪೋಸ್ಟರ್ ವಿವಾದಕ್ಕೂ ಕಾರಣವಾಗಿದೆ. ಐದು ಭಾಷೆಗಳಲ್ಲಿ ಪೋಸ್ಟರ್ ರಿಲೀಸ್ ಆಗಿದ್ದು, ನಾನಾ ಕಡೆ ಇದರ ವಿರುದ್ದ ಪ್ರತಿಭಟನೆಗಳು ದಾಖಲಾಗುತ್ತಿವೆ. ಪೋಸ್ಟರ್ ಅನ್ನು ಸೋಷಿಯಲ್ ಮೀಡಿಯಾದಲ್ಲಿ ಚಿತ್ರತಂಡ ಹಂಚಿಕೊಳ್ಳುತ್ತಿದ್ದಂತೆಯೇ ಗೋ ರಕ್ಷಕರು ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ. ಕೂಡಲೇ ಈ ಸಿನಿಮಾವನ್ನು ಬ್ಯಾನ್ ಮಾಡಬೇಕು ಎಂದು ಒತ್ತಾಯಿಸಿದ್ದಾರೆ. ಹನಿ ರೋಸ್ ಇಂಥದ್ದೊಂದು ಪಾತ್ರ ಮಾಡಿದ್ದಕ್ಕೆ ಬಹಿರಂಗವಾಗಿ ಕ್ಷಮೆ ಕೇಳಬೇಕು ಎಂದು ಆಗ್ರಹಿಸಿದ್ದಾರೆ.